بعد قمر ومنير وتوفيق ....هل تتحقق أماني طلبه جامعه عين شمس بحفله للأسطوره عمرو؟؟؟

السلام عليكم

تم استضافة مصطفي قمر الشهر اللي فات
ومنير من اسبوعين تقريبا
والنهارده كان ايهاب توفيق
ده غير محمد نور اللي كان موجود قبل منير بيوم
وتقريبا كده احتمال كبير فؤاد ييجي برضه

وبجد كل الحفلات دي نجحت جدا ع المستوي الجماهيري خاصة ان الدخول مجاني
لدرجة ان الجامعة كلها تقريبا حضرت , ده بالاضافة لان كل واحد كان بيجيب معاه اصحابه من بره الجامعه
وتقريبا كده الحضور الجماهيري - من وجهة نظري - اكتر من 50 او 60 الف طالب وطالبه

الاهم ف الموضوع كما هو المتوقع طبعا ان كل الناس والله تقريبا بيقولو مش لازم كانو يجيبو كل دول وكان كفايه النجم عمرو ييجي بس حتي ساعة واحده بس

ده حتي يوم منير اللي كان اجمل يوم ف الحفلات دي كلها امين الاتحاد طلع وقال ان فيه مفاجآت اكبر , كل الناس ساعتها قعدت تقول بصوت عالي " دياب ....دياب " بالرغم ان منير كان ساعتها ع المسرح

السؤال بأه : هل ممكن عمرو فعلا يقدم علي خطوة زي دي؟؟؟
المجتمع الجامعي مش متخيل حاجه زي كده
كلهم بيقولو :
يا عم عمرو ييجي فين ,انتا عبيط؟؟؟
والتاني , مستحيل يا بني , عمرو ده البرنس الكبير ومش ممكن يقلل من نفسه كده
والتالت : عمرو لو جه هتبقي الطوابير قدام الجامعة لحد روكسي من الزحمه
والرابع : ممكن عمر ييجي بس بالليل ويخلو الدخول بتذاكر - نقول مثلا 100 جنيه
وغيرهم وغيرهم وغيرهم
محدش متخيل ان عمرو ممكن يعمل حاجه زي كده
المشكله ان اتحاد الطلبه بالرغم من تحمسهم الشديد للفكره دي اللي هتعلي من اسهمهم جدا جدا , برضه بيفكرو بنفس المنطق وتقريبا خايفين يحاولو , او حتي مش عارفين يوصلو لعمرو علشان يحاولو معاه

انا واحد من الناس اتمني ان عمرو يقدم علي خطوه زي دي دلوقتي , يعني مفيش مانع منها
خاصه انها هتزود من اسهمه جدا عند الطلبه وينفي ما يتردد عنه انه مش فاضي للطلبه الغلابه بتوع الجامعات الحكوميه

ده الموضوع كله , فهل تتوقع او تؤيد ان يقدم عمرو علي مثل تلك الخطوه؟؟؟؟

اه طبعا
علشان بجد يوصل لقلوب الشباب اكتر لازم يحسسهم بناه ممكن يجي في اي مكان حتي لو بالمجان
وده علي فكره منطق تامر تامر عنده شعبيه جامده بين الطلبه والطالبات قبل ما يعمل اللي عمله
ومنير نفس الحكايه
ياريت عمرو يعمل زيهم

بس انا نفسى يعملها
ميرسىلمشاركتكو

ياريت يعملها هاتبقي حلوه