الحب يصنع المعجزات


 
الرئيسيةس .و .جمكتبة الصوربحـثالتسجيلاليوميةالأعضاءالمجموعاتدخول

شاطر | 
 

 أرقام ديابية معتمدة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زائر
زائر



مُساهمةموضوع: أرقام ديابية معتمدة   11th مارس 2008, 10:47 am

أولا_الألبومات
ألبومات عمرو اللي طرحت رسميا يا جماعة 27 ألبوم .. اولهم (يا طريق 1983) و اخرهم (الليلادي 2007)
ده غير البومين ريمكسات نزلوا (حبيبي Remix 1997) و (بحبك Rewind 2002)
ولقيت ان المواقع اختلفت في عدد الألبومات .. اللي قال 22 و اللي قال 25 .. بس هم 27 البوم رسمي طرح في الاسواق
...................................
ثانيا_الأغاني
عمرو دياب طوال تاريخه عمل 242 اغنية تم طرحهم في البومات رسمية (الرقم طبعا بيتكلم عن نفسه)..
تخيلوا 242 اغنية مفيش واحدة شبه التانية (ربنا يزيد)..
و في بقى شوية سنجلات كدة عمرو نزلها و عددهم 11 اغنية
ده غير الأغاني اللي عمرو غناها في حفلات و منزلهاش في البومات و لا سجلها حتى...
..................................
ثالثا_المؤلفين
عمرو اتعامل طوال تاريخه الطويل مع 36 شاعر..
واكتر من كتب لعمرو هو الجميل مجدي النجار وكتب لعمرو 52 اغنية........
و ده ترتيب اكتر المؤلفين كتابة لعمرو ...
1-مجدي النجار 52 اغنية.
2-مدحت العدل 35 اغنية.
3-سمير الطائر 24 اغنية (و كتبهم كلهم في البوم منين اجيب ناس و البوم اسف).
اما الشاعر الجميل بهاء الدين محمد كتب لعمرو 14 اغنية..و المتألق دائما ايمن بهجت كتب 18 اغنية.

................................
رابعا_الملحنين
عمرو لحن اغانيه مع 41 ملحن بس عارفين مين اكتر واحد لحن لعمرو دياب؟؟؟؟؟؟؟؟؟؟؟
اكتر و احد لحن اغاني عمرو دياب هو الملحن الكبير عمرو دياب...
عمرو لحن لنفسه 71 اغنية و ده طبعا وجه تاني لنجاح الفنان
و ده ترتيب الملحنين...
1-عمرو دياب 71 اغنية.
2-سيد اسماعيل 24 اغنية (و لحنهم كلهم في البوم منين اجيب ناس و البوم اسف).
3-عمرو مصطفى 21 اغنية.
4-رياض الهمشري 15 اغنية.
و طوال تاريخ عمرو الفني ماكنش ليه اي تعامل مع العنصر النسائي باستثناء مرة واحدة قامت فيها الملحنة اللبنانية رشيدة الحارس (زوجة الفنان لؤي) بتلحين اغنية يا كنزي في البوم علم قلبي.

...............................
خامسا_الموزعين
وزع اغاني عمرو 21 موزع اكترهم طبعا الموزع الكبير طارق مدكور اللي وزع 57 اغنية ، و بعده بفرق بسيط جدا حميد الشاعري 53 اغنية..
انما فهد الفنان اشتغل مع عمرو في 11 اغنية.

..............................
سادسا_الكليبات
صور عمرو 22 فيديو كليب و ده بيأكد ان عمرو برضه كان رائد فكرة الفيديو كليب اللي بنعاني منها دلوقتي..!!

.............................
سابعا_الأفلام
تاريخ عمرو السينمائي بسيط... عمرو عمل 3 افلام...
1-العفاريت 1990
2-ايس كريم في جليم 1992
3-ضحك و لعب 1993

............................
ثامنا_شركات الأنتاج
اشتغل عمرو مع 6 شركات اكترهم صوت الدلتا اللي انتجت لعمرو 14 البوم و بعدها عالم الفن 6 البومات و روتانا 3 و صوت القاهرة 2 و البوم لكل من MC ميوزك سنتر و صوت المدينة..

...........................
تاسعا_الأعلانات
عمرو صور 10 اعلانات في حياته
عمل 7 لبيبسي..واعلان واحد لكل من فودافون و موبينيل و هيد اند شولدرز.

..........................
عاشرا_الرقم القياسي في مبيعات الألبومات
رقم قياسي بكل المقاييس مش في تاريخ عمرو بس ده في تاريخ الاغنية العربية كلها...
3,800,000 نسخة اتباعت من البوم الليلادي في مصر و العالم (الرقم مش محتاج تعليق).

.........................
اخيرا_ثروة عمرواحتل عمرو المركز الاول في قائمة اغنى الفنانين العرب لعام 2007 بثروة قدرت ب 37 مليون دولار ( 203 مليون جنيه اللهم لا حسد يا عمورة)...
..........................................................
في النهاية يا جماعة انا حبيت ألخص تاريخ عمرو في شوية ارقام صغيرة كدة بس عشان ميبقاش في تفكير في وضع عمرو في مقارنات مع اي حد تاني!! لأن المقارنة قبل ما هاتكون ظلم للحد التاني ده!! هاتكون اهانة لعمرو دياب نفسه..
و أخيرا اتمنى يا جماعة ان اللي عنده اي ارقام تانية بس يكون واثق من مصدرها يحطها هنا.. واللي عنده اي تصحيح او استفسار للأرقام اللي انا جايبها من فضله يقوللي عليه.
الرجوع الى أعلى الصفحة اذهب الى الأسفل
relove
مدير عام المنتدي
مدير عام المنتدي
avatar

ذكر
عدد الرسائل : 2870
العمر : 28
البلد : مصر
العمل : طالب جامعي
الهوايات : الشعر
الاوسمه :
تاريخ التسجيل : 06/02/2007

مُساهمةموضوع: رد: أرقام ديابية معتمدة   11th مارس 2008, 10:54 am

يا جامد يا أس أس ايه اللي انت عامله ده
قشطة عليك يا حبي
جامد الشغل .. وحلوة الاحصائيات بتاعة الهضبة عمرو دياب دي
منور يا مان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.fantastic4.editboard.com
crying heart
GENERAL MANEGARGENERAL MANEGAR
avatar

ذكر
عدد الرسائل : 4922
العمر : 29
البلد : اسكندريه
تاريخ التسجيل : 13/03/2007

مُساهمةموضوع: رد: أرقام ديابية معتمدة   14th مارس 2008, 6:46 am

لا بجد ميه ميه الله ينور عليك بجد استاذ
اهلا بيك يا باشا

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.fantastic4.editboard.com
زائر
زائر



مُساهمةموضوع: رد: أرقام ديابية معتمدة   14th مارس 2008, 6:15 pm

الله يخليكو بس يارب يعجبكو
الرجوع الى أعلى الصفحة اذهب الى الأسفل
crying heart
GENERAL MANEGARGENERAL MANEGAR
avatar

ذكر
عدد الرسائل : 4922
العمر : 29
البلد : اسكندريه
تاريخ التسجيل : 13/03/2007

مُساهمةموضوع: رد: أرقام ديابية معتمدة   16th مارس 2008, 10:53 am

اكيد طبعا عاجبنا
يا برنس انت كل مواضيعك جامده

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.fantastic4.editboard.com
 
أرقام ديابية معتمدة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الحب يصنع المعجزات :: عمرو دياب-
انتقل الى: